ILI MUZIKI WETU UWEZE KWENDA KIMATAIFA NI LAZIMA TUBADILIKE, SAPOTI YAKO PIA MUHIMU


Kutokana na ushindani uliyopo kunako sanaa mbalimbali ikiwemo game ya muziki wa Bongo Fleva unawafanya wasanii wengi kuwa wabunifu ili kuwavutia mashabiki wao, kitu ambacho kimewafanya baadhi yao kufanikiwa.
Kala Jeremiah ni miongoni mwa mastaa wa Bongo Fleva ambaye ameibuka na kali ya mwaka kwa kuvaa viatu vyenye rangi mbili tofauti (chekundu na cheusi) ikiwa ni staili yake mpya ya uvaaji baada ya kupotelea Uganda kwa kipindi fulani kabla ya kurudi Bongo na ngoma kadhaa.
“Kaka nimeamua kuja kivingine kama walivyokuwa Kriss Kross, siunajua tena mambo ya ubunifu, lazima kwenye game uwe mjanja,” alisema Kala ambaye wiki iliyopita ameachia ngoma yake mpya yenye jina la Miss Uganda itakayofuatiwa na video yake ambayo pia imepigwa pande hizo za UG.

Read More......
Friday, September 10, 2010 Posted in | | 0 Comments »

P Diddy enza ya uhai wake
Maimartha (katikati) akiwa kwenye huzuni baada ya kupata taarifa za msiba

Aliyekuwa mpenzi wa mtangazaji wa kituo cha tlevisheni cha TBC 1, Maimartha Jesse, Perfect Kagisa 'P Diddy' amefariki dunia ghafla leo mchana alipokuwa kwenye mizunguko yake katikati ya jiji la Dar es Salaam. Mwili wa marehemu umehifadhiwa katika Hospitali ya Taifa Muhimbili. Zaidi kuhusu msiba huu mzito usikose kuchungulia Gazeti la Ijumaa siku ya Ijumaa na endelea kucheki hapa ebwanadaah.
Mungu alitoa, Mungu ametwaa, jina lake lihimidiwe.

Read More......
Wednesday, September 8, 2010 Posted in | | 0 Comments »

“Babu Tale amuogope Mungu, Mwezi Mtukufu”

Kama tulivyokuahidi kwenye gazeti ndugu na hili, Ijumaa Wikienda kupitia safu yake Abby Cool & MC George Over the weekend kwamba tutamtafuta mwanadada Khadija Shaban ‘K-Sher’ na kupiga naye stori mbili tatu kuhusiana na ishu yake na uongozi wa familia ya Tip Top Connection ambao ulidai kwamba umemsimamisha msanii huyo.
Akipiga stori na ShowBiz, K-Sher alisema kwamba ameshangazwa na meneja wake, Babu Tale kudai kwamba amemsimamisha kundini wakati huo siyo ukweli na kumtaka kiongozi huyo aweke wazi ishu nzima ilivyo na siyo kama anavyodai.
“Kuhusu hilo mimi siwezi kulizungumzia sana, wala sikutaka kuzunguka kwenye media na kuongea na vyombo vya habari kama walivyofanya wasanii wengine waliojitoa, isipokuwa nataka kumwambia Tale kwamba amuogope Mungu mwezi huu mtukufu, aseme ukweli kuhusu kilichotokea na siyo kunisimamisha. Kama nimesimamishwa mbona matangazo ya shoo zao yananitaja mi pia nitakuwepo?”Akihoji K-Sher.

Read More......
Friday, September 3, 2010 Posted in | | 0 Comments »

"MAMA HALIMA NI NGOMA YANGU, SIYO YA KIDUMU"

Stori iliyopo kitaani hivi sasa ni kuhusu ngoma ya msanii Sunday Mangu a.k.a Linex inayokwenda kwa jina la ‘Mama Halima’ ambayo imekuwa ikiwachanganya mashabiki wengi wakidhani ni wimbo wa Kidumu wa Kenya, kisa sauti zinarandana.
Akiangusha stori na ShowBiz juzi kati, Linex alisema kwamba ngoma hiyo ambayo hivi sasa iko juu imekuwa ikimpa wakati mgumu na kumfanya aonekane mwenye majonzi kwani baadhi ya mashabiki wamekuwa wakiiomba redioni kwa jina la Kidumu.
“Napenda kuwaambia kwamba ‘Mama Halima’ ni ngoma yangu, ili kuepusha utata uliojitokeza tayari nimepiga kideo ambacho kitaanza kuonekana siku kadhaa zijazo. Ngoma hiyo pia imebeba jina la albamu yangu ambayo itadondoka kitaa hivi karibuni ikiwa na nyimbo 13,” alisema.
Mchizi pia aliwataja ‘maproducer’ waliohusika kuwa ni Villy wa 24/7 Records, Prof. Ludigo, Tuddy, Solomoni Lamba, Jala Man, Dunga na Lamar, pia amewapa shavu wakali kibao wa Bongo Flava.

Read More......
Posted in | | 0 Comments »

Kutoka ndani ya mradi wa muvi Bongo, mwanzoni mwa wiki hii ShowBiz ilipata chansi ya kugonga stori mbili tatu na staa wa game hiyo ambaye pia aliwahi kutwaa mataji kadhaa ya urembo nchini , Tabia Batamwanya ambaye alifunguka kwamba anawahusudu sana wanaume weusi na wenye nguvu.
Tabia aliiambia blog hii kwamba wanaume kibao wamekuwa wakimtokea kila kukicha lakini amekuwa akiwaonesha msimamo wake kwamba yeye siyo ‘demu’ wa kumkubali kila ‘men’ anayekuja usoni kwake ukizingatia kwamba tayari anaye ampendae.
“Wengi wakiniona kwenye muvi au kwenye muziki wanadhani wanaweza kunidanganya nikakubali, mimi siko kiihivyo japo siku zote nimekuwa nikivutiwa na wanaume weusi, ambao wako ‘strong’, siyo legelege,” alisema.
Kwa upande wa game ya muvi tayari mwanadada huyu ameshapiga filamu tatu, huku moja yenye jina la Babla ikiwa kitaani. “Kwa upande wa muziki pia bado naendelea kulisongesha, lengo ni kufika mbali zaidi katika sanaa na kujiongezea kipato, sitaki kuwa msanii wa kuuza sura bila mafanikio,” alisema Tabia.

Read More......
Posted in | | 0 Comments »

Walianza kama utani, lakini kadri siku zinavyozidi kwenda hali inazidi kuwa mbaya kwani hivi sasa wamefikia hatua ya kuchanana laivu kupitia baadhi ya vyombo vya habari, kibaya zaidi kila mmoja akionesha nia ya kutaka kuzichapa na mwenzie. Je mwisho wake utakuwa nini?
Nawazungumzia vijana wawili walioingia kwenye mradi wa muvi Bongo hivi karibuni, Yusuf Mlela na Hemed ambao wanazidi kuwaacha mashabiki wao njia panda bila kujua kama bifu lao lina ukweli wowote au la!
Blog hii kama mdau wa burudani imeamua kuingilia kati ikikutaka wewe msomaji na mdau wa filamu Bongo uwape ushauri wasanii hawa kupitia hapa ili urafiki wao urudi kama zamani, ikiwezekana waendelee kufanye kazi pamoja. Tuandikie SMS kupitia 0718-110173 au email: mcgeorge2008@gmail.com.

Read More......
Posted in | | 0 Comments »

Home kwake
Tunzo alizowahi kupata
Jikoni
Akichukua juisi
Akiperuzi kwenye mtandao
Seating room
Nje ya nyumba yake

Akijipumzisha

"Naomba Watanzania waniombee kwa sababu napita katika kipindi kigumu sana kwenye maisha yangu"


“Nilizaliwa January 17, 1980, hapa hapa Dar, ni mtoto wa pili kati ya watano tuliozaliwa kwa mzee Murro. Kaka yetu wa kwanza anaishi Marekani, wengine tuko hapa nchini.
“Nilipata elimu yangu ya msingi pale Ubungo NHC, baadaye sekondari ya Loyola ambako nilisoma mpaka kidato cha nne, kidato cha 5 na 6 nilisoma Lutheran Junior Seminary. Baada ya hapo ilifuatia elimu ya Chuo Kikuu cha Dar es Salaam ambako nilichukua Degree ya Sayansi ya Siasa na Utawala 2003-2006, kisha nikaenda , South Afrika nilikochukua mambo ya Mabunge ya Africa 2006, baadaye Sweden nilikosomea masuala ya Umoja wa Mataifa mwaka 2007, nikamalizia Merekani ambako nilikwenda kuchukua Utawala Bora na Rushwa mwaka 2008.”


Huyo ni Mwanahabari Jerry Cornel Muro aliyetokea kujipatia umaarufu wa kutosha pamoja na kutunukiwa tuzo kadhaa ikiwemo ile ya Mwandishi Bora wa habari za uchunguzi na ndiye staa aliyefuatwa na Mpaka Home ‘Next Level’ mwishoni mwa wiki iliyopita na kuweka wazi kuhusu maisha yake kwa sasa.
Pande za Kunduchi, Dar es Salaam ndiko anakofanya maisha yake ndani ya mjengo wake wa kisasa, Mpaka Home ilipofika nyumbani hapo majira ya jioni ilimkuta jamaa amejipumzisha, huku akisoma Gazeti ndugu na hili, Ijumaa. Kilichofuata baada ya salamu za hapa na pale ilikuwa ni intavyuu, cheki nayo hapo chini.
Mpaka Home: Tangu tumefika hapa kwako sijaona dalilia yoyote ya kuwa na mwanamke ndani ya nyumba hii, ina maana bado hujachukua jiko?
Muro: Bado sijaoa lakini nipo kwenye uhusiano.
Mpaka Home: Nani anakusaidia kazi za upishi hapa nyumbani?
Muro: Mimi mwenyewe, huwa napika chakula cha aina yoyote.
Mpaka Home: Unapendelea zaidi chakula gani?
Muro: Wali kwa maharage yaliyoungwa kwa nazi au ndizi kwa nyama.
Mpaka Home: Ni vitu gani ambavyo hauvipendi katika maisha yako?
Muro: Sipendi umaskini, kuona wananchi wakionewa na dhuluma.
Mpaka Home: Kitu gani ambacho unakipenda zaidi?
Muro: Kuwatumikia wananchi, na kuona kila mtanzania anapata fursa ya kumiliki uchumi na kuwa na maisha bora.
Mpaka Home: Kipindi hiki ambacho uko nje ya kazi kutokana na matatizo ya kesi yako, muda mwingi unautumia kufanya nini?
Muro: Nakua hapa nyumbani kama ulivyonikuta, najipanga upya.
Mpaka Home: Unajipanga upya kivipi?
Muro: Nikiwa nyumbani nautumia muda wangu kuandika baadhi ya ishu zangu kwenye kompyuta na kupumzisha akiri baada ya dhoruba ili la kesi.
Mpaka Home: Mwisho unawaambiaje wasomaji na wapenzi wa safu hii?
Muro: Nawaomba Watanzania waniombee kwa sababu napita katika kipindi kigumu sana kwenye maisha yangu.
Mpaka Home: Tunashukuru kwa ushirikiano wako Jerry.
Muro: Asanteni, karibuni tena.

Mpaka Home inapatikana ndani ya Gazeti la Risasi Jumatano litokalo kila siku hiyo.

Read More......
Thursday, September 2, 2010 Posted in | | 0 Comments »