ILI MUZIKI WETU UWEZE KWENDA KIMATAIFA NI LAZIMA TUBADILIKE, SAPOTI YAKO PIA MUHIMU

Temba na Chegge
Kundi la TMK Wanaume Family a.k.a Watoto wa Kiume watashuka pande za Mbezi Luis, Dar es Salaam kwa kazi mbili za nguvu, kuitambulisha ngoma na muvi yao yenye jina ka Kichwa kinauma pamoja na kumuweka mbele ya hadhara dogo anayefanya vizuri sasa na ngoma yenye jina la Nakusemea, anaitwa Aslay Isiaka.
Mpango mzima wa burudani hiyo utachukua nafasi Jumamosi ya Machi 3, mwaka huu ndani ya Ukumbi wa times Square uliyopo pande hizo, huku wakipewa sapo na wasanii wengine kibao nikiwemo mimi George MC na ngoma yangu Narudi Nyumbani, bila kumsahau 'Shostito' wangu, Zuhura a.k.a Limupenzi ambaye anafanya vyema na ngoma yenye jina la Ukubwa jalala.
Pia wasanii wapya wanaoibuka pande hizo watapata nafasi ya kuonesha vipaji vyao vya kuimba na mshindi mmoja atakula shavu la kurekodi ndani ya studio za Poteza Records zilizomtoa Dogo Aslay. Kiingilio katika shoo hiyo kitakuwa ni shilingi 3000 kwa kila mtu. Njoo wewe na yule mpenda burudani. Mbezi sasa mmekumbukwa.

Read More......
Tuesday, February 7, 2012 Posted in | | 0 Comments »

Mimi (kushoto) na prodyuza Deez wa Bamba records tukiwakilisha na tshirt za BADUGU

Mimi na Zuhura (Shosti)

Dansa MC V akijiandaa kurekodi kipande chake
Zuhura, Mimi, prodyuza, Mobbyzow, Deez na densa aliyekuja kutupa sapoti
Mdau wangu wa karibu, Zuhura na Mobbyzow
Director, Chief (kushoto) Zuhura na msanii Faby J
Hili ni pozi la dansa wangu, MC V baada ya kumaliza kushoot

Niaje wadau, mkoa poa? Kwanza kabisa nachukua nafasi hii kuwaomba radhi kwa kuwa kimya kwa muda, ila waswahili husema, Kimya kingi kina mshindo mkuu, nilikuwa tait kunako mishemishe za kumalizia video ya ngoma yangu 'NARUDI NYUMBANI' niliyowashirikisha Zuhura na Cheleaman ambaye kwasababu zilizokuwa nje ya uwezo wake hakuweza kuonekana kwenye video hii (kama mnavyoona pichani). Nashukuru Mungu mzigo umekamilika na tayari umeshaanza kwenda hewani kupitia vituo kadhaa vya televisheni. Thanx kwa director wangu, Tonee na jembe lake, Chief bila kuwasahau prodyuza wangu, Mobbyzow wa Bamba Records, Deez, shost wangu Zuhura, dansa wangu MC V na wote walioshiriki kufanikisha mpango huo. Mungu awabariki sana, naombeni sasa tuwaachie kazi Watanzania ambao ndiyo majaji, naamini watatupokea vizuri pamoja na familia tuliyoianzisha, 'BADUGU NATIONAL'
ASANTENI KWA SAPOTI YENU.

Read More......
Wednesday, November 23, 2011 Posted in | | 0 Comments »

Bi. Kidude
Mkongwe za muziki wa taarabu pande za Zenji, Kidude Binti Mbaraka a.k.a Bi. Kidude leo amekanusha vikali uvumi ulionea kwamba amefariki dunia.
Akikanusha kwa mbwembwe zote, Bi. Kidude alisema kwamba yeye bado yuko hai na nguvu za kutosha, isipokuwa alikuwa akisumbuliwa na homa ya kawaida na kulazimika kutundikiwa dripu ya maji, lakini sasa afya yake imetengemaa.
Kutoka Ebwanadaah: Jamani Wabongo wenzangu, haya mambo ya kusambaza taarifa ambazo hatuna uhakika nazo siyo fresh, ipo siku itatukosti. Zaidi tuendelee kumuombea bibi yetu azidi kuwa na afya njema.

Read More......
Wednesday, October 26, 2011 Posted in | | 1 Comments »


Mambo vipi?

Jackson Makini aka CMB PREZZO kutoka nchini Kenya amedondosha kazi mpya 4 SHO 4 SHIZZY aliyomshirikisha Producer wa ngoma hiyo ULOPA kutoka katika studio ya SAMAWATI ya Jijini Nairobi Kenya,Video ya kazi hii ameshoot na kampuni ya BOOMBA Video inatarajiwa kutoka baada ya wiki mbili katika vituo vyote vya Tv Africa nzima:

Pamoja sana

Ambwene Yessayah (AY)


Read More......
Tuesday, October 25, 2011 Posted in | | 0 Comments »

Enzi za uhai wake
Baada ya kuuawa

Taarifa zilizoifikia Ebwanadaah hivi punde kutoka kunako televsheni za kimataifa zinasema kwamba aliyekuwa Rais wa Libya, Muhamar Gadaffi ameuawa na majeshi ya waasi kama inavyoonekana pichani. Mengi zaidi kuhusu kifo chake endelea kucheki na blog hii.

Read More......
Thursday, October 20, 2011 Posted in | | 0 Comments »

Hii ni moja kati ya shoo zao huko Botwana
Mmoja wa waimbaji na dansa wa kundi hilo
Dikakapa waliposhuka Airport Juzi alfajiri

Kundi lingine maarufu la muziki wa asili kutoka Botswana, Dikakapa limedondoka Bongo juzi alfajiri kwa ajili ya shoo za kutosha, huku likitamba kuwa litafanya maajabu na ikiwezekana kuwapoteza Makhirikhiri waliowahi kuja TZ na kupiga shoo zaidi ya miezi kadhaa.

Read More......
Wednesday, October 12, 2011 Posted in | | 0 Comments »


Mtoto Sesilia (katikati) akiwa na mtangazaji wa Kipindi cha Mimi na Tanzania, Hoyce Temu (kulia) na mlezi wake, Nyarugembe Peter Kambaliko (kushoto)


Ndugu Watanzania,

Jumapili tarehe 11 Septemba, kipindi cha Mimi na Tanzania kinachorushwa hewani na kituo cha luninga cha Chanel Ten, kilifanya mahojiano na mtoto Sesilia Edward (14) anayesumbuliwa na matatizo ya moyo, ambaye anahitaji kufanyiwa upasuaji wa haraka ili kuokoa maisha yake. Upasuaji huo unatakiwa kufanyika nchini India,

jumla ya dola 15 (sawa na shilingi milioni 24) za kitanzania zinahitajika kuokoa maisha yake. Kama asipofanyiwa upasuaji huo wa haraka atapoteza maisha ndani ya mwezi mmoja.

Baadhi ya Watanzania wameanza kuchangia ili kumsaidia mtoto Sesilia kupitia katika simu za msamaria mwema anaeishi naye huko Mbagala, Bw. Nyarugembe Peter Kambaliko katika nambari zifuatazo:



Tigo Pesa:- 0715 095797

MPESA: – 0762 962467

NMB Account: 2072517079


Hadi sasa zaidi ya shilingi milioni mbili zimeshachangwa, bado michango inaendelea kupokelewa.

Watanzania wenzangu, kutoa ni moyo, usambe si utajiri.


Mtoto huyu ni Mzaliwa wa Kisarawe, yatima na anishi na mlezi aliyemkuta akiwa taabani nyumbani alikokua akiishi na dada anayejishughulisha na shughuli za vibarua vya kulima mashamba ya watu. Alitakiwa kufanya mitihani ya Darasa la Saba na wenzake mwaka huu lakini hali yake haikumruhusu. Ndoto zake ni kuwa mwalimu.


Mlezi wake Peter Nyarugembe, amejaribu kuzunguka katika hospitali mbalimbali bila mafanikio.


Asanteni sana kwa kuokoa maisha ya Sesilia.

Read More......
Thursday, September 15, 2011 Posted in | | 0 Comments »