ILI MUZIKI WETU UWEZE KWENDA KIMATAIFA NI LAZIMA TUBADILIKE, SAPOTI YAKO PIA MUHIMU


Mdau namba moja wa blog, KC akiwa amepozi na bonge la T-shirt lenye maneno ya kijanja "Kwenye msafara wa mamba nami nimo". KC pia ndiye mtaalamu wa kuprint t-shirt hizo ambaye anapatikana kunako ofisi yake iliyopo pande za Mwenge, Dar es salaam. kama na wewe utapenda kung'aa na pamba hizi cheki nami 0715 110 173.

Read More......
Wednesday, September 30, 2009 Posted in | | 0 Comments »


Kama wewe ni Mbongo halisi unatakiwa uoneshe uzalendo kwa kugonga bidhaa za home, ule wakati wa kuvaa nguo zenye maandishi ya kufagilia vitu vya nje umepitwa na wakati. Hivi sasa wajanja wanathamini vitu vya nyumbani. T-Shirt hizi zinapatikana pande za Sinza, Bamaga kwa bei ya jumla na reja reja, pia tunapokea oda kutoka sehemu mbalimbali nchini. Unaweza kuwasiliana nasi kwa simu namba 0715-110 173. email:mcgeorge2008@gmail.com.

Read More......
Tuesday, September 29, 2009 Posted in | | 0 Comments »

Mkubwa akitunisha misuli
Afande akiwa na jazba
Mgogoro unaochukua nafasi pana kwa sasa katika kiwanda cha Bongo Flava ni kuhusiana na Mfalme wa Rhymes anayeendelea kudumu, Suleiman Msindi a.k.a Afande Sele na Meneja wa TMK Wanaume Family, Said Fella a.k.a Mkubwa.
Ishu iko hivi, ebwanadaah ilipiga stori na mastaa hao kwa nyakati tofauti ambapo wa kwanza alikuwa Sele aliyesema kuwa Mkubwa amekuwa akimfanyia kitu kibaya kwa kutaka kumpoteza kwenye game.
"Fella hanipendi, nikifanya shoo na Wanaume mara nyingi ananizimia MIC au anakorofisha mitambo ili sauti yangu isisikike vizuri. Fella hanipendi na mimi najua hilo," alisema Sele.
Akijibu hoja, Mkubwa alisema kuwa anasikitishwa na kauli za Afande na kwamba hakuna ukweli katika hilo na kuongeza kwamba ingekuwa vema mfalme huyo anayetokea pande za Moro akataja shoo ambazo alimzimia vyombo.
"Mimi naangalia mafanikio na maendeleo ya wasanii wa kundi langu, si kuendekeza roho mbaya kwa wengine," alisema Mkubwa.
Bifu ni hilo, nani mkorofi? Kama una data zimwage kupitia namba 0715-110 173 au mcgeorge2008@gmail.com.

Read More......
Posted in | | 0 Comments »

Scout O
K-Man
Kutoa ndani ya Kundi la Scout Jenta lililowahi kufanya vyema kupitia game ya muziki wa Bongo Fleva ikiwemo ngoma yao, 'Kijana mteja' na kusambaratika, msanii Hamadi Othmani 'Scout O' ametoka kivyake na ngoma yenye jina la 'Sera ya mapenzi' ambayo imempa shavu Ismail wa B-Band yakiwa ni maandalizi wa albamu yake ya kwanza.
Mbali na yeye, mshikaji wa karibu, K-Man naye pia ameachia kazi yenye jina la Wamesahau chini ya prodyuza Lamar. Kazi kwenu wadau wa burudani, madogo wamekuja kivingine sana.

Read More......
Sunday, September 27, 2009 Posted in | | 0 Comments »

Aliyekuwa dj wa Prof. Jay Hugoline Mtambachuo Martin a.k.a Dj Choka amekula shavu la ukweli ndani ya kampuni ya Zizzou Entertainment kama dj wa wasanii waliopo chini ya lebo hiyo.
Nawazungumzia Ngwea, Blue, Squeezer, Steve, Bushoke na wengine kibao.
"Najisikia faraja sana kwasababu nimeyaanza maisha yangu upya kabisa toka nilivyoondoka kwa Bro Jay, pia najishughulisha kusambaza habari za wasanii wote wa bongo katika blog yangu inayoitwa www.djchoka.blogspot.com", alisema Choka.

Read More......
Wednesday, September 23, 2009 Posted in | | 0 Comments »

Baada ya kudondoka pande hizo alifanyiwa wellcome party na wenzetu
Akawapa shoo ya kiushikaji kabla ya kuingia mzigoni Alhamisi wiki hii
Ukifika sehemu kama hizi lazima upate picha za kumbukumbu unaweza usirudi tena huku


Msanii Ambwene Yesaya A.Y ambaye alikwea pipa mwishoni mwa wiki iliyopita kuelekea Malaysia tayari ameshadondoka pande hizo na jana Alhamisi aligonga shoo ya funiko kunako Jiji la Kuala Lumpur.
Akipiga stori na ebwana daah kwa njia ya simu kutoka pande hizo jamaa alisema kwamba kila kitu kuhusu ziara yake hiyo kimekwenda fresh na kwamba anatarajia kurudi Bongo Jumapili ya wiki hii kwa ajili ya kujiandaa na mpambano wa kuwania tuzo za MTV Afrika kama Msanii Bora wa Hip Hop akichuana na mastaa kama Jay-Z na Kanye West.
Ili kumuwezesha kuibuka na ushindi A.Y andika neno BHH AY kisha tuma kwenda namba 0789 777 333. Ili kumuwezesha Shaa ambaye anawania tuzo ya Msanii Bora Anayechipukia andika neno BNA SHAA kisha tuma kwenda namba 0789 777 333

Read More......
Posted in | | 0 Comments »

Katika kusheheresha tuzo za MTV Afika zinazotarajiwa kutolewa mwezi ujao pande za Kenya, mchizi anayefanya vyema na ngoma kadhaa hivi sasa, Dapo Daniel Oyebanjo a.k.a DÕBanj kutoka Nigeria anatarajiwa kudondoka Bongo hivi karibuni kama mgeni mwalikwa kunako shoo yenye jina la Road to MTV Africa Music Awards (MAMA) itakayopigwa ndani ya Ukumbi wa Bilicanas Oktoba 3, mwaka huu.
Kwa mujibu wa mratibu wa ishu hiyo, Christina Mosha 'Seven' shoo hiyo ambayo hufanyika kila mwaka na sehemu tofauti yakiwa ni maandalizi ya kuelekea kunako tuzo hizo safari hii itafanyika Bongo ambapo mbali na mkali huyo kutoka Nigeria pia wasanii wa Tanzania waliotajwa kuwania 'awadi' hizo Ambwene Yesaya 'A.Y' na Sara Kaisi 'Shaa' wataangusha burudani ya ukweli.
"Pia msanii kama Profesa Jay ambaye atakuwa ni mgeni mwalikwa katika tuzo hizo tutakuwa naye katika shoo hiyo ya Bilicanas ambayo itaanza saa tatu usiku na kuendelea kwa kiingilio cha shilingi 15, 000 kila mtu. Kwa ishu zaidi watu wanaweza kutembelea website yetu ambayo ni www.mama.mtvbase.com," alisema Seven.
Pia mratibu huyo amewaomba Watanzania na wapenzi wa burudani kwa ujumla wanaombwa kuendelea kuwapigia kura A.Y na Shaa ili waweze kuleta heshima Bongo kwa kuibuka na tuzo hizo. 'Kumpigia kura A.Y andika neno BHH AY kisha unatuma kwenda namba 0789 777 333. Ili kumuwezesha Shaa ambaye anawania tuzo ya Msanii Bora Anayechipukia andika neno BNA SHAA kisha tuma kwenda namba 0789 777 333.

Read More......
Posted in | | 0 Comments »