.

Mandojo katika pozi

Ni masikitiko kwa wana-sanaa hasa wa Bongo Flava. Ipo stori inayovuma kwamba mchizi aliyepandisha wazimu kwa ngoma ‘Nikupe Nini’ a.k.a ‘Kanikamulie maji ya ndimu nina kiu koma’, Joseph Michael ‘Mandojo’ yupo nyuma ya nondo Singida.

Impecable sources wame-shair nasi habari kwamba msanii huyo amefungwa miaka miwili jela lakini haijabainika ni kisa gani ambacho kimempeleka ubayani.

Mshirika wa Mandojo, Precioust Juma ‘Domokaya’ last saturday aliimegea blog hii kwamba hata yeye ishu hiyo bado hajaipata fresh, anachojua ni kwamba mchizi yuko nyumbani kwao Manyoni, Singida kwa ajili ya matatizo ya kifamilia likiwemo lile la kufiwa na baba yake mzazi. “Mi pia sijui chochote kuhusu hilo kwa sababu sijapata simu au taarifa yoyote kutoka huko, siwezi kulizungumzia hilo sana,” alisema Domo.

Tangu wiki iliyopita blog hii imekuwa ikipokea simu na SMS za kumwaga kuhusu habari ya mchizi kwamba hana uhuru wa kawaida kama raia wa Tanzania.

“Mandojo kafungwa miaka miwili jela, hukumu imetolewa muda mfupi uliopita,” one of impecable sources alituma SMS kwa gazeti hili.

Wasanii mbalimbali wakubwa pia walimwaga data kwamba Mandojo ameingia kifungoni kwa kosa la kupigana na washkaji wengine wa pande hizo.

Mandojo akiwa na Domokaya, walitikisa soko la Bongo Flava kati ya mwaka 2003 na 2004, walipotoka na ngoma Nikupe, wakafyatua Dingi, Wanoknok ft Judith Wambura ‘Lady Jaydee’, Taswira ft Haroun Kahena ‘Inspector Haroun’, na nyinginezo kali.

Kwa vyovyote vile, hii si habari njema kwa wapenzi wa muziki na sanaa yetu kwa jumla, ni vema kumuombea Mungu jamaa avuke salama katika kipindi hiki kigumu.